Mir sinn averstanen mat dëser Ausso an begréissen et dass de Grand-Duc dat och esou gesot huet.
Mir fuerderen vun de Politiker: Ween Lëtzebuerger wëll ginn muss och Lëtzebuergesch schwätzen kënnen.
De Sproocheniveau am Test fir d'Nationalitéit ze kréien dierf net nach méi erof gesat ginn.

Weider huet de Grand-Duc gesot:
"Fir d’net-Lëtzebuerger ass et ubruecht, Efforten ze maachen fir sech z’integréieren, iwwert de We vun der Sprooch, oder de Wee vum Engagement an eist Sozial- oder Kulturliewen."

https://www.youtube.com/watch?v=Nqdfq9-w2nU

An mir hätten keng "Referendumskultur". Mir fueren op d'Päischtcroisière an drénken Béier genausou wéi Samschdes Mëttes am Cactus wann mer mam Mercedes d'Bildzeitung kafen ginn (Quotidien). D'Vollék war eben net informéiert (Bettel). Bal 80% vun de Leit hunn schlussendlech dofir gesuergt dass den Referendum zu engem "rendez-vous manqué" ginn ass, an natierlech hu mer ofgestëmmt ouni ze iwwerleeën:"– par le ventre, qu’ils ont tranché."(tageblatt).

Den President vun der Verfassungskommissioun huet et dann och erkannt: "dass eher jene mit Ja gestimmt haben, die eine höhere Schulbildung und ein höheres Einkommensniveau aufweisen."

An d'CSV schwätzt vun Spléckung. Spléckung? Nee! D'Land ass NET gespléckt, eben grad well eng ganz grouss Majoritéit géint d'Auslännerwahlrecht gestëmmt huet. Dat ass keng Spléckung mä e groussen Konsens op enger fundamentaler Fro.

Seelen waren d'Lëtzebuerger sech sou eeneg, seelen waren se sou däitlech der selwechter Meenung!

De Referendum war och net e Fehler an et ass gutt dass d'Meenung vum Vollek elo kloer ass.